Shaken... not stirred

Been a while...

Fri, 20 Mar 2009 14:41:27 GMT

...19 years to be exact.

Pero nung nakita ko siya, nakalimutan ko yung tagal nang panahon na yun. Akala ko maiiyak ako, pero wala namang luhang lumabas. At nung niyakap niya ako, parang nakita ko na yung matagal ko ng hinahanap mula pa noong bata ako.

Funny Days

Sun, 31 Aug 2008 15:19:16 GMT

Napakaraming memories ang nagbalik ng nakita kong muli ang isang parte ng kabataan ko.

It's back. ^__^

Bad trip lang at wala na si Combatron. xD

Ridiculous

Sat, 12 Jul 2008 17:01:15 GMT

For some reason, since the past month, ay nasa burger phase ako. Hindi ako maka-survive ng isang linggo na hindi ako kakain ng burger. Mula sa buy one take one burgers ng Minute Burger hanggang sa quarter pounders ng McDo at rice burgers ng Sango ay dapat makakain ako. Kaya nung isang araw na nabasa ko yung feature tungkol sa Burger Avenue ay hindi ko na pinalampas na bumili dun.

First time ko pumunta last week at ang una kong inorder ay yung Wasabi Burger nila. Basically isa siyang grilled burger na gawa sa wasabi yung sauce, kaya sa bawat kagat mo ay lumalabas sa ilong mo yung anghang… ang saya.

Dito ko rin nakita first hand yung sumusubok ng Ridiculous Challenge, kung saan dapat mo maubos yung 3-patty burger (a.k.a. Ridiculous Burger) within 5 minutes and you’ll get a full refund. Naisip ko na kaya kong gawin yung challenge na yun, knowing myself, pero hindi ko naman maeenjoy yung burger pag ganun at nakita ko rin kasi na isang beses ka lang pwede manalo kaya gagamitin ko na lang yung chance na yun pag sobrang gutom ako at paubos na ang pera ko.

Pero syempre gusto ko pa rin ma-try yung burger na yun kaya kanina ay nag take-out ako ng isang Ridiculous Burger. Medyo may kamahalan nga lang siya at around 224 pesos (VAT inclusive) pero natuwa naman ako sa laki niya at in fairness ay masarap naman siya.

Promises

Wed, 25 Jun 2008 18:35:36 GMT

Kapag mayaman na ako...

Kakain pa rin ako ng street foods sa sidewalks kahit na meron akong super galing na cook sa bahay. Hindi pa rin kasi niya mapapantayan ang luto nila mamang fishball, aleng tukneneng, at kuya isaw.

As much as possible isasama ko ang aking driver sa mga lakad ko. Ayaw ko yung iniiwan lang sila sa waiting area para mapanis. Kung hindi naman maari ay bibigyan ko na lang siya ng pera pangnood ng sine at pang Time Zone... pwede rin niya i-date si Inday sa Starbucks.

Magko-commute pa rin ako once in a while.

Jollibee spaghetti pa rin ang favorite kong "pasta"

Bibili ako ng condo sa Makati, dapat yung may mga malapit na Jollijeep.

Sorry sa Optical Media Board pero bibili pa rin ako ng pirated stuff. Mas maganda kasi ang collection nila kesa sa mga shops sa malls. Madalas ay may mga rare movies pa sila. Pero pag gawang Pinoy, gaya ng OPM at local movies, ay original ang bibilhin ko.

Manonood pa rin ako ng mga Pinoy movies sa sinehan kasama yung mga cheesy movies ng Star Cinema with it's cheesy lines. ("You had me at my best; she loved me at my worst, but you chose to break my heart" - One More Chance) ("Mahal mo ba ako dahil kailangan mo ako, o kailangan mo ako dahil mahal mo ako?" - Milan)

Hindi pa rin ako bibili ng Havaianas

Cooking with Shakey

Mon, 19 May 2008 21:59:48 GMT

Natutunan ko ito noon sa isang kaibigan na natutunan din niya sa isa pang kaibigan. Isa itong simpleng recipe at isang pangtawid gutom lalo na kung tinatamad ka pang magluto. Ang kailangan mo lang ay isang pack ng Lucky Me Pancit Canton, bahala ka na sa flavor, at isang itlog.

Ang kailangang mo lang gawin ay batihin ang itlog sa isang bowl at ihalo dito ang mga seasonings na kasama ng pancit canton. Tapos ay durugin mo ang noodles sa trip mong chunkiness at ihalo sa itlog mixture.

Matapos ang paghahalo ay ready mo ng prituhin ang nagawa mong mixture. Ikaw na ang bahala kung gaano mo katagal ito piprituhin. Kapag mas matagal, mas malambot yung noodles. Ako gusto ko yung medyo crunchy.

Tapos prituhin ng sandali ay pwede na itong ilagay sa plato para simulang upakan. Sa totoo lang mas trip kong gamitin yung extra hot chili flavor dito kasi masarap siya pag may kasamang Red Horse. Pero since chili-mansi lang ang meron ako ay carry na rin. Ang importante ay nabusog ako matapos kumain, medyo bumibigat kasi sa tiyan ang noodles dahil dun sa itlog.

As Seen on TV

Tue, 29 Apr 2008 08:46:14 GMT

Nung una ko nakita yung product na ito sa TV years ago gusto ko bumili ng isa. Di ko alam kung bakit pero naaliw ako dito, kaya nung isang linggo na dumaan ako sa Landmark at nakita ko ito ay hindi na ako nag dalawang isip na bumili.

So far naman ok naman siya. Nagagawa naman nito ang lahat ng sinasabi sa TV. Hindi na rin ako masyado umiiyak pag humihiwa ng sibuyas.

Ang unang-una kong ginawa ay salsa. Lagi kasi ako tinatakam pag ginagawa nila ito sa TV. Kaya ayun naghanap ako ng simpleng recipe at excited akong ginawa ito at in fairness masarap naman ang kinalabasan.

...

Tue, 15 Apr 2008 03:09:01 GMT

Isa itong old post/article sa isang forum. Wala lang, nabasa ko lang uli sa inbox ng email ko.

Gising, Tol.
Contributed by tabachoi (Edited by alteredbeast)

Tumatanda ka na, tol.

Nasa Friday Magic Madness na yung mga paborito mong kanta. Nakaka-relate ka na sa Classic MTV. Lesbiana na yung kinaaaliwan mong child star dati. Nanay na lagi ang role ng crush na crush mong matinee idol noon.

Dati, pag may panot, sisigaw ka agad ng "PENDONG!". Ngayon, pag may sumisigaw nun, ikaw na yung napapraning. Parang botika na ang cabinet mo. May multivitamins, vitamin E, vitamin C, royal jelly, tsaka ginko biloba.

Dati, laging may inuman. Sa inuman, may lechon, sisig, kaldereta, inihaw na liempo, pusit, at kung anu-ano pa. Ngayon, nagkukumpulan na lang kayo ng mga kasama mo sa Starbucks at oorder ng tea.

Wala na ang mga kaibigan mo noon.

Ang dating masasayang tawanan ng barkada sa canteen, napalitan na ng walang katapusang pagrereklamo tungkol sa kumpanya ninyo. Wala na ang best friend mo na lagi mong pinupuntahan kapag may problema ka. Ang lagi mo na lang kausap ngayon e ang kaopisina mong hindi ka sigurado kung binebenta ka sa iba pag nakatalikod ka. Ang hirap nang magtiwala.

Mahirap nang makahanap ng totoong kaibigan. Hindi mo kayang pagkatiwalaan ang kasama mo araw-araw sa opisina. Kung sabagay, nagkakilala lang kayo dahil gusto ninyong kumita ng pera at umakyat sa tinatawag nilang "corporate ladder". Anumang pagkakaibigang umusbong galing sa pera at ambisyon ay hindi talaga totoong pagkakaibigan. Pera din at ambisyon ang sisira sa inyong dalawa.

Pera. Pera na ang nagpapatakbo ng buhay mo.

Alipin ka na ng Meralco, PLDT, SkyCable, Globe, Smart, at Sun. Alipin ka ng Midnight Madness. Alipin ka ng tollgate sa expressway. Alipin ka ng credit card mo. Alipin ka ng ATM. Alipin ka ng BIR.

Dati-rati masaya ka na sa isang platong instant pancit canton. Ngayon, dapat may kasamang italian chicken ang fettucine alfredo mo. Masaya ka na noon pag nakakapag-ober-da-bakod kayo para makapagswimming. Ngayon, ayaw mong lumangoy kung hindi Boracay o Puerto Galera ang lugar. Dati, sulit na sulit na sa yo ang gin pomelo. Ngayon, pagkatapos ng ilang bote ng red wine, maghahanap ka ng San Mig Light o Vodka Cruiser.

Wala ka nang magawa. Sumasabay ang lifestyle mo sa income mo. Nagtataka ka kung bakit hindi ka pa rin nakakaipon kahit tumataas ang sweldo mo. Yung mga bagay na gusto mong bilhin dati na sinasabi mong hindi mo kailangan, abot-kamay mo na. Pero kahit nasa iyo na ang mga gusto mong bilhin, hindi ka pa rin makuntento.

Saan ka ba papunta?

Tol, gumising ka. Hindi ka nabuhay sa mundong ito para maging isa lang sa mga baterya ng mga machines sa Matrix. Hanapin mo ang dahilan kung bakit nilagay ka rito. Kung ang buhay mo ngayon ay uulit-ulit lang hanggang maging singkwenta anyos ka na, magsisisi ka. Lumingon ka kung paano ka nagsimula, isipin ang mga tao at mga bagay na nagpasaya sa yo. Balikan mo sila.

Ikaw ang nagbago, hindi ang mundo.

WTF?!

Thu, 10 Apr 2008 09:41:24 GMT

PAUTAKAN! PAGALINGAN! PATATAGAN! (Outwit! Outplay! Outlast!)

Binili ng GMA ang rights para sa Survivor.. amp yan. XD

Link

Lapuz Update

Wed, 23 Jan 2008 08:00:02 GMT

Ang sabi nga ni Simon, may feeling daw siya na magiging hit yung kanta ni Renaldo or Reynaldo Lapuz, at syempre pag sumikat yung kanta ay sisikat din yung tao. As of now may RenaldoLapuz.com na. May mga remix version na gaya nito at nito, covers gaya nito at nito, at syempre isang interview.

Kung isang malaking "act" lang ito ni pareng Rey ay isa lang ang masasabi ko: isa siyang henyo. Instant hit diba? Easy money for a while. Pwedeng ipundar para sa isang pangkabuhayan showcase. Ayus.

Lessons mula sa Ragnarok Online

Mon, 21 Jan 2008 22:09:55 GMT

Kailangang magtiyaga kung gusto mong umangat, kahit na minsan ay nakakainis, nakakabwisit, at nakakasawa na. Pero kahit gaano ka katiyaga ay madalas ka pa ring mauunahan ng mga taong may mga “tanks” or in real life, mga koneksyon.

0.01%, 0.02%, 0.05%. Usually yan ang mga chances mo para makakuha ng card or rare item sa RO. Pero kahit ganyan kaliit ay nakakakuha ka pa rin, minsan nga sa first try mo pa lang eh. At dahil dyan tumataya ako sa Lotto.

Lahat ng taong ayaw mo or kagalit mo ay nagmumukhang orc

Maraming tao ang nagro-roleplay sa totoong buhay. Mapagpanggap. Marami ring chicksilog.

Marami ring “leechers” sa trabaho. Mga nakikisawsaw sa pinaghirapan ng iba.

Pagdating sa gastusan, mas pipiliin ng tao na bumili ng isang bagay na maganda lang or uso pero hindi naman praktikal. Halimbawa: RO = Elven Ears, sa totoong buhay = Havaianas

Ang gobyerno ay parang Level Up, sa kanila napupunta ang pera ko.

BFF

Thu, 17 Jan 2008 19:48:12 GMT

Ano naman ngayon kung nasa Ellen si Charice Pempengco at bagong lead singer ng Jouney si Arnel Pineda... walang wala pa rin sila kay Renaldo Lapuz! Pare you're the man!! I'm your brother din!

I can see it now.. pagdating ng AI finale kakantahin ito ng mga lalaking contestants sa stage kasama si Renaldo! Wooo! xD

We're Brothers Forever
By Renaldo Lapuz

I am your brother
Your best friend forever
Singing this songs
The music that you liiiike!

Brothers till the end of time
Together or not
You're always in my heart
Your hurt, your feelings
And you will worry no mooore!

Ayan na!!

Mon, 31 Dec 2007 15:44:10 GMT

Oh Em Gee!! 30 mins na lang!!! WOOHOO! Lunch break ko na!!

AMP!

Yup, may work ako ngayon. First time ito. xD

HAPPY NEW YEAR EVERYONE!!

May Powers ang ID Ko

Fri, 07 Dec 2007 05:06:54 GMT

May na discover akong advantage ng pagtratrabaho sa call center...

Immune ako sa curfew. xD

Siopao.

Wed, 24 Oct 2007 21:14:55 GMT

Rest day ko. Nagising ako ng alas dos ng madaling araw na gutom... gusto ko ng siopao. Bumangon ako, naghilamos, nag-cr, at pumunta sa 7-11. Habang nag lalakad ako sa kahabaan ng Pasay Road may narinig akong tinig ng isang lalaking umaawit.

Kung nag-iisa at nalulumbay, dahil sa hirap mong tinataglay...
Kung kailangan mo nang karamay, tumawag ka at Siya'y naghihintay...

Familiar yung lyrics. Familiar yung tono. Pero di ko pa matukoy kung ano yung kanta. In fairness, maganda naman yung boses nung lalaki.

Siya ang iyong kailangan, sandigan, kaibigan mo...

Habang palapit ako ng palapit, natutukoy ko na kung ano yung kanta at nakiksabay na rin ako sa pag-awit. Pero di ko gusto yung nakikita ko. Di ko gusto kung saan nanggagaling yung awitin.

Siya noon, bukas, ngayon, sa dalangin mo'y tugon...

Nasa tapat na ako ng lugar. Medyo pula yung ilaw sa loob. Sa harapan nung lalaki ay lamesang may mga bote ng Pale Pilsen, habang sa tabi naman niya ay isang GRO na nagyoyosi. Ususally ito yung mga tinatambayan ng mga tricycle drivers pag tapos ng byahe nila... small time na KTV bar. Napa-iling ako at tinuloy ang paglalakad ko.

Siya ay si Hesus sa habang panahon...

And now, our word for the day... "delikadesa"

Fri, 14 Sep 2007 00:31:53 GMT

Kung sino man ang may ari ng CD-R King...

I LOVE YOU!!!

Oh Tukso...

Mon, 13 Aug 2007 01:38:42 GMT

Galing akong Greenhills kahapon, at nalaman kong may pirated games na ang Wii...

hmmm.... *stares at atm*

Be strong Shakey... be strong... XD

Ang Saging ni Mark

Fri, 03 Aug 2007 00:02:31 GMT

Posting here for easy access at para sa mga future uses. xD

Amnesia

Mon, 23 Jul 2007 23:41:52 GMT

Ayaw ko talaga ng interview. Kaya nung Friday, nang biglang sinabi ng sup ko na may interview daw ako, ay halos tumalon na yung puso ko. Naghahanap kasi ng mga officer in charge ang account namin at isa ako sa mga ni-recommend. Syempre hindi ako prepared, at wala talaga akong alam na isagot kung tungkol sa mga management chuva ang mga tanong. But wait there's more! Panel interview daw... anak ng sopas!

Ang naalala ko na lang pumasok ako sa room.Nakita kong apat sila na nasa loob, tapos umupo ako. Tapos blanko na. Wala na akong maalala sa mga tanong at sa mga sinabi ko. Nang bumalik ang isip ko, nasa labas na uli ako. Hiniling ko na lang na sana ay hindi kahiya-hiya ang mga sinabi ko.

Pagdating ng Lunes tinawag uli ako ng sup ko at may pinakita sa aking email. Natulala ako sa nakita ko. Mantakin mo, pasado daw ako. Starting next month, OIC na ako. Bale pang supervisor/manager na ang trabaho ko... di pa rin ako makapaniwala. Magkakaroon ako ng sarili kong team, at kung maging ok ang lahat ay hihirangin nila akong Operation Supervisor. Shet, todo na 'to.

Di ko pa rin talaga alam kung anong mga sinagot ko at nagustuhan nila. Pero pinakita na rin sa akin ng sup ko ang mga feedback ng panel dun sa email... kung baga, mga bagay na pwede kong ma-improve. Ang unang weakness ko daw ay experience, na syempre given na, pero yung sumunod na weakness natawa ako. Overconfident pa daw ako! Biruin mo yun! Amp!

Mana lang kay Lumen... Wais!

Sun, 15 Jul 2007 05:27:08 GMT

Debateng iPod Nano:

Me: Bakit naman ako bibili ng orig? Ang mahal kaya!

Friend: Sulit naman! Tignan mo tong akin.

Me: Kung itsura lang, wala naman masyadong pinagkaiba sa fake eh. Iba lang yung interface tsaka wala yung scrolling button effect thingy.

Friend: O kitams. Astig kaya yung buttons pag orig.

Me: Aanuhin ko naman yung buttons. Bibili ako para makinig ng music at hindi dahil sa buttons.

Friend: Kahit na. Orig na ang bilhin mo, pang matagalan naman yan eh. Di ka sure sa fake.

Me: Bakit sure ka ba dyan sa orig mo? Paano kung nawala yan? Paano kung nahold-up ka? E di iyak ka.

Friend: Pota! *knocks on wood*

Me: At least yung bibilhin ko, mga 2k lang, may tawad pa sa divisoria.

Friend: Kuripot ka kasi.

Me: Di rin. Practical ang tawag diyan. Tsaka mas madami kayang feature yung fake kesa sa orig. May video playback yung fake. Meron ba yang nano mo?

Friend: Wala.

Me: O! Tapos yung fake may radyo! May external speaker pa! Mura pa! San ka pa! Yung sa iyo may scrolling effect lang yung button!

Friend: Kuripot!

Me: Bitter! :D

The Blue Sky and The Blue Ocean

Sun, 03 Jun 2007 01:23:04 GMT

Ang susunod na post ay dedicated kay kaoko_cow ^__^

Matagal-tagal ko na ring hindi ito nagawa at medyo sinipag din ako nung mga nagdaang araw. Kaya naisip ko na bakit hindi. I revived my blue rice technique at dahil sa inspirasyon ni kao ay ito ang naging resulta:

Ang nasa itaas ay ginisang kangkong sa bagoong with dilis... aquarium style. Ang nasa baba naman ay corned beef na may chunks ng patatas, habang nasa itaas nito ay fried egg. Hehe, natuwa naman ako sa resulta. Patawad sa photo quality dahil camera phone lang ang gamit ko eh. Na-realize ko rin na medyo pambata ang itsura pero cute naman eh, at cute din naman ako kaya ok na rin. ^__^

Ako'y Tamad (bow)

Sun, 27 May 2007 06:51:22 GMT

Pa-Healthy Friend: Pare magpa-member ka rin kaya sa Fitness First. Laki ng discount natin dun ah. Para naman magkalaman-laman ka.

Me: Ayaw. Sayang lang.

PHF: Sulit kaya! Tignan mo ko! *bicep flex*

Me: Eh ano naman gagawin ko dyan?

PHF: Syempre pang-impress sa mga chicks, lalo na pag nasa beach ka.

Me: Tanginang yan. Parang nasa beach ako lagi ah. Tsaka kung mag gym man ako dahil sa gusto ko maging healthy, hindi dahil gusto ko lang mag pasikat. Tsaka chicks ka dyan! Ang mga pumapansin lang at nakaka-appreciate dyan sa katawan mo ay mga sangkabadingan eh.

PHF: Gago to ah!

Me: Bakit? Totoo naman ah.Tsaka gym ka ng gym mamaya isang araw sagasaan ka lang ng bus eh di nasayang lang pag gym-gym mo.

PHF: Sabihin mo tamad ka lang.

Me: Hindi rin. Practical lang.Tsaka sabi kasi ni Lord na nobody is perfect eh. Kaya ayaw kong mag gym kasi baka gumanda ang katwan ko at makontra ko yung sinabi niya.

PHF: Ok, sige na. Sagot mo tong beer eh.

Me: Good.

Next time na lang!

Sun, 01 Apr 2007 09:33:04 GMT

Nandito ako ngayon sa Netopia sa may Park Square. Kagaling ko lang sa G4 para bumili ng ticket para sa Wrestlemania bukas ng umaga. Umm, mag-update sana ako ngayon para magkwento ng mga bagay-bagay. Kaya lang natagalan ako sa pagbasa ng mga posts eh. Tapos ito bigala akong natatae. Sige out na ako, tatakbo muna ako sa may "Lounge" ng Glorietta.

After 10 years...

Mon, 05 Mar 2007 00:23:46 GMT

O sige na, fine! Lagpas 1 month lang.

Dalawang oras na rin akong nagbabasa ng mga LJ entries. Mula sa masasarap na pagkain ni kao hanggang sa buhay pakikipagsapalaran ni ruk. Medyo sumasakit na nga ang mata ko dahil wala pa akong tulog. Pero hindi pa rin ako titigil hanggang hindi ko nababasa lahat. Ganyan kasi ka-special ang mga kaibigan ko para sa akin... at ganyan din ako ka-chismoso. Hehe.

Nagdaan na ang araw ng aking taunang pagtanda. Wala namang masyadong nagbago. Cute pa rin naman ako. Taun-taon nga lang iba-iba ang nakakasama ko sa araw na yun. Nakakalungkot na nakakatuwa. Basta ang importante pag tinignan ko yung sarili ko ngayon kumpara nung isang taon dapat masabi kong mas may narating ako.

Uy, nagdrama.

Sa isang iglap nagbago na naman ang lahat. Mula sa apat naging dalawa at mula sa dalawa naging isa. Oo, mag-isa na naman ako ngayon. Kakalipat ko lang ng tirahan nung Huwebes. Bitbit ang aking entertainment at kitchen showcase binaybay ko ang Pasay Road para sa bago na namang tutuluyan. Alam ko naman dito rin ako mauuwi, at sanay din naman ako mag-isa kaya ok lang. Ang maganda pa dito ay makakapag-practice na uli ako magluto dahil wala na akong kaagaw sa bahay. Makakapanood na rin ako ng aking mga dibidi na hindi magaalala kung may magigising. At ang importante sa lahat mababawasan na ang lalabhan kong damit dahil pwede na lang akong nakahubad sa bahay, wala namang tao eh.

Niki/Jessica Sanders
You scored 33 Idealism, 62 Nonconformity, 37 Nerdiness

Sometimes I look in the mirror and I'm not sure it's me looking back.Congratulations, you're Niki and/or Jessica Sanders! You get the honor of being the one character who is, in fact, two people! You have an especially dynamic and unpredictable nature. While you may seem like a good, caring, hard-working person at first glance, you have one seriously badass side that can overcome you at any moment. Whenever this side of you comes out, there is no fight you can't win, no obstacle you cannot overcome. Your best quality: Protective instincts -- you will stop at nothing for the people you love Your worst quality: Violent tendencies -- you will stop at nothing for the people you love

My test tracked 3 variables How you compared to other people your age and gender:

You scored higher than 99% on Idealism

You scored higher than 99% on Nonconformity

You scored higher than 99% on Nerdiness

Link: The Heroes Personality Test written by freedomdegrees on OkCupid Free Online Dating, home of the The Dating Persona Test

Nu Year Post

Sat, 20 Jan 2007 17:57:56 GMT

First post for the new year. Medyo marami akong hahabulin. So let's start.

Unahin natin ang MMFF. I watched 5 movies and only one was worth my money, which was Kasal Kasali Kasalo. Tama! Yung pelikula ni Judy Ann. Hindi ko akalain na sasabihin ko dito yan. Mabawbaw siya kung tutuusin pero natuwa ako sa pelikula. Nasayangan naman ako sa movie version ng Zaturnah, sana ni-record na lang nila yung musical tapos yun yung pinalabas nila sa sinehan. At hindi talaga ako makapaniwala na naging Best Picture ang Enteng Kabisote. Amf.

Parang nung nakaraang taon I spent my New year with friends na wala ring pamilya dito. As usual party night yun kaya inuman at sayawan hanggang umaga. Happy new year talaga.

I said goodbye to Zoë, my trusty MotoRAZR. Lagpas isang taon din ang pinagsamahan namin at kailanman ay hindi naman niya ako binigo. Pero minsan talaga hindi mo maiwasan na maghanap at tumingin sa iba. Kaya nung nakaraang linggo bumili ako ng isang Sony Ericsson K800i. Meron siyang 3.2 megapixels na camera na sapat na para sa mga casual pictures. Pag nilagyan ko siya ng memory stick ayos na rin at hindi ko na kailangan pang bumili pa ng mp3 player. At syempre ang pinaka-importente isa rin siyang reliable na telepono.

Kailangan ko na lang siya bigyan ng pangalan.

I got my weekend back. Starting next week balik Sat-Sun na ang rest day ko. Woohoo!

At meron na namang chismis tungkol sa dagdag sahod. Kung matuloy to mas makakaipon pa ako at pwede na akong kumuha ng extra activities. Gaya nung UP Open University na sinasabi ni ruk.

At syempre bago matapos ang lahat isa munang video. :D

Thu, 28 Dec 2006 00:10:55 GMT

Oo na magaling ka na. Inaamin ko, hindi ako nakatapos, na isa lang akong hamak na undergrad. At ikaw may degree, manager sa isang bangko, at sabi mo mataas ang IQ mo. Pero ako? Mai-inggit sa iyo? Mukha mo.

Ayaw ko ng buhay mo. Wag kang magmalaki. Wag mo ring ipagyabang yang posisyon mo, mas mataas pa ang sweldo ko sa iyo. Baka nga hindi ka na umangat diyan eh. At pwede ba bawasan mo yang hangin mo at baka bumalik sa iyo yan at liparin pa yang natitirang buhok sa ulo mo. Huwag mo akong maliitin hindi mo ako kilala at hindi mo pa alam ang kaya kong gawin.

Kung gago ako hihilingin kong mamatay ka na sana. Pero mas gago ako eh. Kaya hihilingin kong mabuhay ka ng mahaba para makita mo kung pano kita lalampasan.

Asshole.